Prezident Qasym-Jomart Toqaev Qazaqstannyń saiasi transformatsiiasy týraly aita otyryp, shetelden arandatýshylyq aitarlyqtai artqanyn atap ótti, - dep habarlaidy Tengrinews.kz tilshisi.
"Eldiń kúrdeli transformatsiiasy azamattardyń saiasi belsendiliginiń obektiv ósýine ákeledi, buǵan popýlizmniń kúsheiýi jáne ártúrli qairatker tarapynan ádeii alypsatarlyq áreketter qosa júredi. Biz shetelden nazar aýdarýǵa baǵyttalǵan arandatýshylyq áreketter aitarlyqtai kóbeigenin kórip otyrmyz", - dedi Toqaev Almatyda Ulttyq ǵylym akademiiasynyń 75 jyldyǵyna arnalǵan saltanatty jiynda sóilegen sózinde.
Memleket basshysynyń aitýynsha, damyǵan demokratiialyq qoǵam qurý - "shýlap uran aityp, birden nátije beretin ýáde emes", birizdi jáne júieli jumys ekenin túsiný kerek.
"Elimizde joǵary saiasi jaýapkershilik mádenieti ornyǵýy kerek. Saiasi saladaǵy radikalizm men popýlizmge qarsy turýdyń basty faktory osy mádeniet sanalady. Ókinishke qarai, bizde bul kóp", - dedi Prezident.
