«Otandastar» qory» KEAQ pen QR Tuńǵysh Prezidenti - Elbasy qory janyndaǵy Memlekettik tildi damytý qory yntymaqtastyq týraly memorandýmǵa qol qoidy. Taraptar sheteldik qandastardyń ana tilin erkin meńgerýine jaǵdai jasaýǵa, sondai-aq til saiasatynyń tiimdi iske asýyna atsalysýǵa nietti, dep habarlaidy "Ult aqparat" qordyń baspasóz qyzmetine silteme jasap.
«Otandastar» qorynyń birinshi vitse-prezidenti Talǵat Adýovtyń aitýynsha, jaqyn arada sheteldegi qandastarǵa arnalǵan qazaq tilin qashyqtyqtan úiretetin tegin kýrs bastalady. Sabaqtar Skype arqyly onlain rejimde ótedi.
«Osy maqsatta biz ár eldegi múddeli qazaq etnomádeni jáne qoǵamdyq birlestiktermen tyǵyz bailanys ornatpaqpyz. Solardyń kómegimen interaktivti taqtalarmen jabdyqtalatyn arnaiy qazaq tili kabinetterin uiymdastyramyz. Bul bastamamyz jeksenbilik mektepter jelisi siiaqty bolady. Iaǵni, tildi úirenýshiler óz betinshe oqyp qana qoimai, ózi siiaqty basqa da tálimgerlermen birge jinalyp, aralasa alady, sabaqty birigip óte alady. Tildi kez kelgen ýaqytta kabinetten tys onlain oqi alý múmkindiginen bólek, olardyń betpe-bet jolyǵý alańyn uiymdastyrýymyz kerek dep sanadyq», - deidi ol.
Al memlekettik tildi damytý qorynyń basshysy Azat Sháýeevtiń sózine súiensek, sheteldik otandastar úshin qazaq tilin igerýdiń innovatsiialyq ádisterge negizdelgen tiimdi júiesi ázirlenýde.
«Bizdiń «SSoyle.kz» portaly negizindegi mol tájiribemiz bar. Bul - qazaq tilin internet arqyly onlain rejimde úiretetin Qazaqstandaǵy alǵashqy tegin joba. Ol úlken zertteý men taldaý, osy saladaǵy basqa da elderdiń tájiribesine úńilý nátijesinde júzege asty. Sonymen qatar, sheteldik qandastardyń da suranystaryn barynsha eskerýge tyrysyp jatyrmyz. Máselen, olardyń yńǵailylyǵy úshin biz portaldyń aǵylshyn-latyn nusqasyn da jasap shyǵardyq. Endi qazaq tilin latyn álipbiimen úirenýge bolady», - deidi Azat Sháýeev.
Sonymen qatar, kelisim aiasynda til saiasaty jónindegi is-sharalardy birlesip uiymdastyrý, elektrondyq aqparattyq keńistikte memlekettik tildi damytýǵa yqpal etetin otandyq saittar jumysyna járdemdesý jáne sheteldegi otandastarǵa arnalǵan qazaq tili boiynsha oqý quralyn ázirleý kózdelgen.
