Býrabaida 12-17 jastaǵy sheteldegi qazaq balalaryna arnalǵan jazǵy lager ashyldy. «Otandastar qory» kommertsiialyq emes aktsionerlik qoǵamy muryndyq bolǵan sharanyń ashylý saltanaty búgin ótti, dep habarlaidy QazAqparat.
«Otandastar qorynyń» baspasóz qyzmetinen habarlaǵandai, lager Aqmola oblysy Býrabai aýdany Shýche kóliniń ońtústik shyǵys jaǵalaýynda ornalasqan «IQanat High School of Burabay» mektebiniń bazasynda uiymdastyrylǵan.
«Qazaqtyń uly aqyny Abai Qunanbaiulynyń tujyrymdamasyna sai talap, eńbek, tereń oi, qanaǵat, raqym qundylyqtaryna negizdelgen bul lagerge Frantsiia, Túrkiia, Iran, Qyrǵyzstan, Qytai, Mońǵoliia, Ózbekstan, Reseiden 84 qazaq balasy kelip qatysýda. Sonymen qatar, qazaqtyń ulttyq bolmysy, salt-dástúr, óneri men zamanaýi bilim, ǵylym tendentsiialaryn onyń ishinde STEM, robototehnika, kásipkerlik, jobalardy basqarý daǵdylary ushtastyrǵan», - delingen baspasóz baianynda.
Ashylý saltanatynda «Otandastar qorynyń» prezidenti Abzal Saparbekuly qatysýshylardy Balalar jylymen quttyqtap, Atajurtqa kelip alańsyz boi sergitip, oi jinaqtap, tamasha demalys ótkizýine tilektes ekenin jetkizgen.
«Ár elden kelip, túrli tilderde sóilep ósken jasóspirimder jinala qalsa, birin biri tek qazaq tilinde sóilegende ǵana túsine alady. Osylaisha tájiribe jinap qazaq tiline degen qushtarlyqtary oianýda» deidi qoǵam prezidenti.
Sheteldegi qazaq balalaryna arnalǵan jazǵy lagerler 2019 jyly bastaý alǵan edi.
Sol jyly 5 túrli baǵytta jazǵy demalys uiymdastyrylyp, 600-ge jýyq sheteldegi qazaq balasy Qazaqstanǵa kelgen bolatyn.
Eki jyl pandemiia kesirinen uiymdastyrylmaǵan bul shara biyldan bastap qaita júzege asa bastady.
