بۋرابايدا 12-17 جاستاعى شەتەلدەگٸ قازاق بالالارىنا ارنالعان جازعى لاگەر اشىلدى. «وتانداستار قورى» كوممەرتسييالىق ەمەس اكتسيونەرلٸك قوعامى مۇرىندىق بولعان شارانىڭ اشىلۋ سالتاناتى بٷگٸن ٶتتٸ, دەپ حابارلايدى قازاقپارات.
«وتانداستار قورىنىڭ» باسپاسٶز قىزمەتٸنەن حابارلاعانداي, لاگەر اقمولا وبلىسى بۋراباي اۋدانى ششۋچە كٶلٸنٸڭ وڭتٷستٸك شىعىس جاعالاۋىندا ورنالاسقان «IQanat High School of Burabay» مەكتەبٸنٸڭ بازاسىندا ۇيىمداستىرىلعان.
«قازاقتىڭ ۇلى اقىنى اباي قۇنانبايۇلىنىڭ تۇجىرىمداماسىنا ساي تالاپ, ەڭبەك, تەرەڭ وي, قاناعات, راقىم قۇندىلىقتارىنا نەگٸزدەلگەن بۇل لاگەرگە فرانتسييا, تٷركييا, يران, قىرعىزستان, قىتاي, موڭعولييا, ٶزبەكستان, رەسەيدەن 84 قازاق بالاسى كەلٸپ قاتىسۋدا. سونىمەن قاتار, قازاقتىڭ ۇلتتىق بولمىسى, سالت-دەستٷر, ٶنەرٸ مەن زاماناۋي بٸلٸم, عىلىم تەندەنتسييالارىن ونىڭ ٸشٸندە STEM, روبوتوتەحنيكا, كەسٸپكەرلٸك, جوبالاردى باسقارۋ داعدىلارى ۇشتاستىرعان», - دەلٸنگەن باسپاسٶز بايانىندا.
اشىلۋ سالتاناتىندا «وتانداستار قورىنىڭ» پرەزيدەنتٸ ابزال ساپاربەكۇلى قاتىسۋشىلاردى بالالار جىلىمەن قۇتتىقتاپ, اتاجۇرتقا كەلٸپ الاڭسىز بوي سەرگٸتٸپ, وي جيناقتاپ, تاماشا دەمالىس ٶتكٸزۋٸنە تٸلەكتەس ەكەنٸن جەتكٸزگەن.
«ەر ەلدەن كەلٸپ, تٷرلٸ تٸلدەردە سٶيلەپ ٶسكەن جاسٶسپٸرٸمدەر جينالا قالسا, بٸرٸن بٸرٸ تەك قازاق تٸلٸندە سٶيلەگەندە عانا تٷسٸنە الادى. وسىلايشا تەجٸريبە جيناپ قازاق تٸلٸنە دەگەن قۇشتارلىقتارى ويانۋدا» دەيدٸ قوعام پرەزيدەنتٸ.
شەتەلدەگٸ قازاق بالالارىنا ارنالعان جازعى لاگەرلەر 2019 جىلى باستاۋ العان ەدٸ.
سول جىلى 5 تٷرلٸ باعىتتا جازعى دەمالىس ۇيىمداستىرىلىپ, 600-گە جۋىق شەتەلدەگٸ قازاق بالاسى قازاقستانعا كەلگەن بولاتىن.
ەكٸ جىل پاندەمييا كەسٸرٸنەن ۇيىمداستىرىلماعان بۇل شارا بيىلدان باستاپ قايتا جٷزەگە اسا باستادى.
