Bul týraly Dúniejúzi qazaqtarynyń qaýymdastyǵy tóraǵasynyń orynbasary "Qasietti qazaq eli" óner festivali aiasynda ótken kezdesýde aitty, dep habarlaidy Baq.kz agenttigi.
«Bizde Nazarbaev Ýniversitetimen qatar, onyń mektepteri bar. Qazaqstan boiynsha 20 Nazarbaev ziiatkerlik mektebi (NZM) jumys isteidi. Olardyń bilim berý júiesi úzdik, iaǵni halyqaralyq standartqa sai ekeni de belgili. Qazirgi tańda NZM-men kelisim jasap jatyrmyz. Sol kelisim negizinde kelesi jyly 4 myń qandasymyz, iaǵni oqýshylar Qazaqstanǵa kelip, NZM-de oqityn bolady. Osy joba aiasynda álemniń túkpir-túkpirindegi baýyrlarymyzdy qamtityn bolamyz. Ondaǵy maqsat - bilim berýden bólek, olardy ózimizdiń qazaq balalarymen tanystyryp, jaqyn aralastyrý. Osyǵan uqsas bizde jyl saiyn 150 shetel qazaqtarynyń balalary Aqmola oblysyndaǵy «Baldáýren» jazǵy lagerinde demalady», - dedi Dúniejúzi qazaqtary qaýymdastyǵy tóraǵasynyń birinshi orynbasary Zaýytbek Turysbekov.
Sonymen qatar, Zaýytbek Turysbekov bilim berý jobasy aiasynda qandastarymyzǵa elimizdiń kórikti jáne tarihi jerlerin kórsetip, otanǵa degen súiispenshilikterin arttyrý baǵytyndaǵy sharalardyń uiymdastyrylatynyn aitty.
Óz kezeginde Zaýytbek Qaýysbekulynyń bul pikiri shettegi qandastarymyzǵa úlken qoldaý bolatynyn, ulttyqó rýhaniiatymyzdy, qazaq tilin meńgerý, atajurtpen aralastyq pen urpaq sabaqtastyǵy máselelerinde ózekti ekeni aityldy.
Esterińizge sala keteiik, osy kezdesý barysynda Qyrǵyzstannan kelgen qandasymyz ol elde qazaq mektebi joq ekeni týraly pikir aityp, kómek suraǵan bolatyn.
