2020-2021 oqý jylyna sheteldegi qandas jastar úshin daiyndyq bólimine 1300 oryn bólindi. Bul týraly "Ult aqparat" Otandastar qoryna silteme jasap habarlaidy.
Sheteldegi jastar arasynda atajurtta bilim alǵysy keletin azamattardyń sany jyl saiyn artyp keledi. 2018-2019 jylǵa 1000 oryn, 2019-2020 jylǵa 1300 oryn bólingen edi. Daiyndyq bólimin sátti aiaqtaǵan qandastarymyz ulttyq birińǵai testileýge qatysyp, joǵarǵy oqý ornynyń stýdenti atandy. Álemge taraǵan juqpaly indet saldarynan biyl elge kele almai, shetelde qalyp qoiǵan daiyndyq bólimi stýdentteriniń máselesin «Otandastar qory» kóterdi.
Bilim jáne ǵylym, Syrtqy ister ministrlikteriniń, Ulttyq testileý ortalyǵynyń qoldaýymen, úsh ai júrgizilgen jumys nátijesinde QR aýmaǵynda koronovirýstyq infektsiianyń taralýyna jol bermeý jónindegi vedomstvoaralyq komissiia otyrysynda sheteldegi qandas jastarǵa UBT «Onlain» ótkizý sheshimi qabyldandy. Tuńǵysh ret 733 qandasymyz UBT onlaiyn tapsyrdy.
Aita ketsek, biylǵy daiyndyq bólimine oqýǵa túsýge arnalǵan qujattardy qabyldaý 2020 jylǵy 5 tamyz ben 5 qyrkúiek aralyǵynda Bilim jáne ǵylym ministrliginiń Balon protsesi jáne akademiialyq utqyrlyq ortalyǵynyń veb-portaly https://enic-kazakhstan.kz arqyly onlain rejimde júrgiziledi.
Sondai-aq Qazaqstannyń sheteldegi mekemelerine jetkizý úshin Syrtqy ister ministrligine hat joldandy. Oqý jylynyń I semestrinde daiyndyq bóliminiń stýdentterine dáris onlain rejimde júrgiziledi.
Talapkerlerdiń qujattaryn qabyldaý erejesine sáikes qadamdyq nusqaýlyǵy tómende kórsetilgen.
Qujattardy onlain rejiminde tapsyrý boiynsha qosymsha suraqtar týyndaǵan jaǵdaida +7 (7172) 287526 nómirine jáne admission@n-k.kz pochtasy boiynsha habarlasyp bilýge bolady.
1404 (barlyq qazaqstandyq mobildi operatorlar úshin tegin)
8 800 080 1404 (barlyq qazaqstandyq qalalyq qońyraýlar úshin tegin)
+7 (7172) 981404 (barlyq qazaqstandyq qalalyq qońyraýlar úshin tegin , halyqaralyq qońyraýlar úshin sheteldik operatorlar belgilegen stavkamen)
8 701 000 1404 (WhatsApp, Telegram habarlar men qońyraýlar úshin)
E-mail: komek@oq.gov.kz
Skype: komek@oq.gov.kz
