QR Memlekettik qyzmet isteri agenttiginiń tóraiymy Anar Jaiylǵanova «Prezidenttik Jastar kadr rezervine» irikteý barysy týraly aityp berdi, dep habarlaidy QazAqparat tilshisi.
«Qazirgi ýaqytta irikteýdiń barlyq rásimderi qatań túrde Prezident Jarlyǵymen bekitilgen rezervti qalyptastyrý qaǵidalaryna sáikes ótýde. Irikteýge qatysý úshin bastapqy tirkeýden 13 212 adam ótti, onyń 7 312-si tirkeý rásimin tolyq aiaqtady. Úmitkerler ishinde shet elderde júrgen Qazaqstannyń 46 azamaty bar. Elden tys jerde júrgen azamattar ishinde eń úlken ókildik AQSh, Resei, Ulybritaniia, Túrkiia elderinen bolyp otyr», - dedi A. Jaiylǵanova Úkimet úiinde ótken baspasóz máslihatynda.
Agenttik basshysynyń aitýynsha, qazirgi ýaqytta qatysýshylardyń qujattaryn qabyldaý, testileý jáne qabiletti tekserý syndy irikteýdiń bastapqy 3 kezeńi aiaqtaldy.
Tórtinshi kezeńde sarapshylarmen suhbat ótedi. Oǵan aldyńǵy kezeńderde úzdik nátije kórsetken qatysýshylar jiberiledi. Odan keiin Prezident Ákimshiligi quratyn komissiia irikteýdiń aldyńǵy kezeńderinen tabysty ótken árbir úmitkermen jeke áńgimelesedi. Sonyń qorytyndysy boiynsha Ulttyq komissiia eń joǵary ball jinaǵan kandidattardy Prezidenttik jastar rezervine qabyldaý týraly sheshim qabyldaidy.
