Qazirgi tańda shet memleketterde qazaqtildi 88 BAQ jumys istep tur. Bul týraly «Otandastar qory» KEAQ vitse-prezidenti Maǵaýiia Sarbasov málim etti, dep habarlaidy QazAqparat.
«Dúniejúzi qazaqtarynyń quryltaiynda QR Tuńǵysh Prezidenti-Elbasy qandastar máselesin únemi kóterip keledi. Memleket basshysy Qasym-Jomart Toqaev ta sheteldegi qandastardy Otanǵa qaitarýǵa qatysty birqatar tapsyrmany júktedi. Osy baǵytta bizdiń qordyń da óz mindet- maqsaty bar. Biz elimizdiń Syrtqy ister, Aqparat jáne qoǵamdyq damý ministrlikterimen birlesip jumys istep jatyrmyz. Keńes Odaǵy quldyraǵan kezde Qazaqstannan tys jerde 5 millionnan astam qazaq turǵan deidi. Qazirgi tańda keibir saraptamalyq málimetterge sáikes álemniń 40-tan astam elinde qandas baýyrlarymyz turyp jatyr. Sonymen qatar búginde shetelde qazaqtildi 88 BAQ jumys istep tur. Onyń barlyǵymen bailanys ornatylǵan. Ásirese, Mońǵoliia, Túrkiia jáne Ózbekstandaǵy qazaqtildi BAQ ókilderimen tyǵyz bailanystamyz», - dedi Maǵaýiia Sarbasov.
