Ózge elde vaktsinanyń basqa túrin alǵandar Qazaqstan aýmaǵynda, ásirese qyzmet kórsetý salasynda kedergisiz jumys istei ala ma? Ortalyq kommýnikatsiialar qyzmetinde Densaýlyq saqtaý ministrliginiń ókilderine osyndai saýal qoiyldy, dep habarlaidy "Ult aqparat".
Bul saýalǵa Sanitarlyq-epidemiologiialyq baqylaý komitetiniń tóraǵasy Aijan Esmaǵambetova jaýap berdi.
«Qazaqstan azamaty da, bizdiń eldiń aýmaǵynda jumys isteitin sheteldik te shetelde vaktsina alǵan bolsa, ekpe alǵanyn rastaityn qujat kórsetse, vaktsinatsiiadan ótken adam bolyp esepteledi. Iaǵni, oǵan qaitalap vaktsina alýdyń qajeti joq. Biraq mindetti túrde vaktsinatsiia kýrsynan tolyq ótkenin rastaityn qujaty bolý kerek», - dedi komitet basshysy.
Osy sharada Aijan Esmaǵambetova vaktsinatsiiadan keiin virýs juqtyrǵan naýqastardyń qandai ekpe túrin alǵanyn aitqan bolatyn.
«Búgingi tańda vaktsina alǵannan keiin koronavirýspen aýyrýdyń 4 765 jaǵdaiy tirkelip otyr. Birinshi kezeńnen keiin 2 384 jaǵdai, ekinshi kezeńnen keiin 2381 jaǵdai bolǵan. Bul jalpy vaktsina alǵandardyń 0,09 paiyzy ǵana. «Spýtnik V» vaktsinasynyń birinshi komponentimen 2048, ekinshi komponentimen 2 101 jaǵdai (0,09 paiyz), Hayat-Vax – 246 jáne 221 (0,09 paiyz), CoronaVac - 45 jáne 11, QazVac – 41 jáne 45 jaǵdai tirkeldi», - dedi ol ortalyq kommýnikatsilar qyzmetinde ótken brifingide.
