Elordanyń Qoǵamdyq densaýlyq saqtaý basqarmasy basshysynyń orynbasary Áliia Rústemova «Shet elde Pfizer nemese Moderna vaktsinalary salynsa, Qazaqstanda qabyldana ma?» degen suraqqa jaýap berdi, dep habarlaidy QazAqparat.
«Koronavirýs infektsiiasyna qarsy vaktsinatsiiany alǵany qujat boiynsha rastalsa, árine qabyldanady. Munda qandai vaktsina salynǵany mańyzdy emes – Pfizer nemese basqa da vaktsinalar maquldanady», - dep jaýap berdi Áliia Rústemova Nur-Sultan qalasynyń ákimdiginde ótken onlain brifingide.
Aita keteiik, elordamyzda vaktsinatsiialaýdyń úshinshi aptasy aiaqtaldy. Vaktsinalaý emhanalar, infektsiialyq statsionarlar, jedel meditsinalyq járdem, alǵashqy meditsinalyq sanitarlyq kómek uiymdary, kópbeiindi statsionarlardyń qabyldaý bólimderiniń meditsina qyzmetkerlerine ótkizilýde. Tiisti kontingent ishinde 6 300 adamnyń 1 980-i vaktsina aldy. Olardyń arasynda asqyný anyqtalǵan joq.
Ekinshi komponentpen vaktsinalaý 22 aqpanda bastalady. Vaktsinatsiia tolyq kýrstan keiin bir jarym ai ishinde aǵzanyń immýndyq reaktsiiasyn týdyrady. Sondyqtan vaktsina alǵan adamdarǵa aldyn alý sharalaryn saqtaýdy jalǵastyrý qajet.
