ەلوردانىڭ قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ەلييا رٷستەموۆا «شەت ەلدە Pfizer نەمەسە Moderna ۆاكتسينالارى سالىنسا, قازاقستاندا قابىلدانا ما?» دەگەن سۇراققا جاۋاپ بەردٸ, دەپ حابارلايدى قازاقپارات.
«كوروناۆيرۋس ينفەكتسيياسىنا قارسى ۆاكتسيناتسييانى العانى قۇجات بويىنشا راستالسا, ەرينە قابىلدانادى. مۇندا قانداي ۆاكتسينا سالىنعانى ماڭىزدى ەمەس – Pfizer نەمەسە باسقا دا ۆاكتسينالار ماقۇلدانادى», - دەپ جاۋاپ بەردٸ ەلييا رٷستەموۆا نۇر-سۇلتان قالاسىنىڭ ەكٸمدٸگٸندە ٶتكەن ونلاين بريفينگٸدە.
ايتا كەتەيٸك, ەلوردامىزدا ۆاكتسيناتسييالاۋدىڭ ٷشٸنشٸ اپتاسى اياقتالدى. ۆاكتسينالاۋ ەمحانالار, ينفەكتسييالىق ستاتسيونارلار, جەدەل مەديتسينالىق جەردەم, العاشقى مەديتسينالىق سانيتارلىق كٶمەك ۇيىمدارى, كٶپبەيٸندٸ ستاتسيونارلاردىڭ قابىلداۋ بٶلٸمدەرٸنٸڭ مەديتسينا قىزمەتكەرلەرٸنە ٶتكٸزٸلۋدە. تيٸستٸ كونتينگەنت ٸشٸندە 6 300 ادامنىڭ 1 980-ٸ ۆاكتسينا الدى. ولاردىڭ اراسىندا اسقىنۋ انىقتالعان جوق.
ەكٸنشٸ كومپونەنتپەن ۆاكتسينالاۋ 22 اقپاندا باستالادى. ۆاكتسيناتسييا تولىق كۋرستان كەيٸن بٸر جارىم اي ٸشٸندە اعزانىڭ يممۋندىق رەاكتسيياسىن تۋدىرادى. سوندىقتان ۆاكتسينا العان ادامدارعا الدىن الۋ شارالارىن ساقتاۋدى جالعاستىرۋ قاجەت.
