Sheshenstan basshysy Ramzan Qadyrov jieni Hamzan Qadyrovty dene shynyqtyrý jáne sport ministri etip taǵaiyndady. Bul aqparatty respýblika basshysy Instagram jáne "Vkontakte"-degi paraqshasynda aitty.
23 jastaǵy Hamzan Qadyrov buǵan deiin Sheshenstandaǵy Kýrchalov aýdanyn basqarǵan. Memlekettik basqarý salasynda bilimi bar. Ol - Ramzan Qadyrovtyń qaitys bolǵan aǵasy Zelimhan Qadyrovtyń uly. Reseilik basylymdarǵa bergen suhbatynda Sheshenstan basshysy jienin balalarynan da qattyraq jaqsy kóretinin jáne balalaryna qaraǵanda soǵan kóbirek jaǵdai jasaitynyn aitqan.
Ramzan Qadyrovtyń nemere aǵasy Týrpalali Ibragimov birneshe kún buryn Hamzan Qadyrov Qaýipsizdik keńesiniń basshysy bolyp taǵaiyndaldy dep habarlaǵan, biraq keiinirek jazbasyn óshirip tastady.
Jaqynda Qadyrovtyń taǵy bir jieni Ibragim Zakrievtiń respýblika basshysy ákimshiligi men Sheshenstan úkimetiniń jetekshisi bolyp taǵaiyndalǵany belgili bolǵan.
2017 jyly Ramzan Qadyrovtyń úlken qyzyna úilengen 23 jastaǵy Vishan Matsýev 2019 jyly jeltoqsan aiynda Sheshenstannyń ishki ister ministrliginiń kóshi-qon basqarmasynyń jetekshisi boldy.
