Foto: stan.kz. Fotoda Aidyn Saýdanbekov pen Álibi Baǵytjanov
Atyraý oblysynda memlekettik kirister departamenti basshysynyń orynbasary kólik prokýratýrasy qyzmetkerimen tóbelesten keiin komaǵa tústi, dep habarlaidy Ult.kz.
Keshe, 28 qańtarda Atyraýdaǵy oiyn-saýyq oryndarynyń birinde prokýratýra qyzmetkeri Asqar Janysbaev pen memlekettik kirister departamentiniń basshysy Aidyn Saýdanbekov, onyń orynbasary Álibi Baǵytjanov arasynda tóbeles bolǵany týraly aqparat shyqty. Sheneýnikter meiramhananyń “Vip” kabinasynda ońasha otyrǵan. Tańǵa jaqyn daiashylar laýazymdy tulǵalardyń birin es tússiz kúide taýyp, jedel járdem shaqyrǵan.
Tóbeles saldarynan oblystyq memlekettik kirister departamenti basshysynyń orynbasary Baǵytjanov jaraqat alyp, komaǵa túsken.
Qylmystyq kodekstiń 106-baby “Densaýlyqqa qasaqana aýyr ziian keltirý” boiynsha is qozǵaldy.
Bas kólik prokýratýrasynyń baspasóz qyzmeti aqparatty rastap, tergeý júrgizilip jatqanyn habarlaǵan.
"Atyraý oblysynyń politsiia departamenti memlekettik kirister departamenti qyzmetkeriniń dene jaraqatyn alý faktisi boiynsha sotqa deiingi tergep-tekserý júrgizip jatyr. Barlyq mán-jaidy anyqtaý maqsatynda bas kólik prokýratýrasy qyzmettik tekserý júrgizip jatyr", – dedi bas kólik prokýratýrasynyń resmi ókili Almira Bekjan.
