فوتو: stan.kz. فوتودا ايدىن ساۋدانبەكوۆ پەن ەلٸبي باعىتجانوۆ
اتىراۋ وبلىسىندا مەملەكەتتٸك كٸرٸستەر دەپارتامەنتٸ باسشىسىنىڭ ورىنباسارى كٶلٸك پروكۋراتۋراسى قىزمەتكەرٸمەن تٶبەلەستەن كەيٸن كوماعا تٷستٸ, دەپ حابارلايدى Ult.kz.
كەشە, 28 قاڭتاردا اتىراۋداعى ويىن-ساۋىق ورىندارىنىڭ بٸرٸندە پروكۋراتۋرا قىزمەتكەرٸ اسقار جانىسباەۆ پەن مەملەكەتتٸك كٸرٸستەر دەپارتامەنتٸنٸڭ باسشىسى ايدىن ساۋدانبەكوۆ, ونىڭ ورىنباسارى ەلٸبي باعىتجانوۆ اراسىندا تٶبەلەس بولعانى تۋرالى اقپارات شىقتى. شەنەۋنٸكتەر مەيرامحانانىڭ “Vip” كابيناسىندا وڭاشا وتىرعان. تاڭعا جاقىن داياشىلار لاۋازىمدى تۇلعالاردىڭ بٸرٸن ەس تٷسسٸز كٷيدە تاۋىپ, جەدەل جەردەم شاقىرعان.
تٶبەلەس سالدارىنان وبلىستىق مەملەكەتتٸك كٸرٸستەر دەپارتامەنتٸ باسشىسىنىڭ ورىنباسارى باعىتجانوۆ جاراقات الىپ, كوماعا تٷسكەن.
قىلمىستىق كودەكستٸڭ 106-بابى “دەنساۋلىققا قاساقانا اۋىر زييان كەلتٸرۋ” بويىنشا ٸس قوزعالدى.
باس كٶلٸك پروكۋراتۋراسىنىڭ باسپاسٶز قىزمەتٸ اقپاراتتى راستاپ, تەرگەۋ جٷرگٸزٸلٸپ جاتقانىن حابارلاعان.
"اتىراۋ وبلىسىنىڭ پوليتسييا دەپارتامەنتٸ مەملەكەتتٸك كٸرٸستەر دەپارتامەنتٸ قىزمەتكەرٸنٸڭ دەنە جاراقاتىن الۋ فاكتٸسٸ بويىنشا سوتقا دەيٸنگٸ تەرگەپ-تەكسەرۋ جٷرگٸزٸپ جاتىر. بارلىق مەن-جايدى انىقتاۋ ماقساتىندا باس كٶلٸك پروكۋراتۋراسى قىزمەتتٸك تەكسەرۋ جٷرگٸزٸپ جاتىر", – دەدٸ باس كٶلٸك پروكۋراتۋراسىنىڭ رەسمي ٶكٸلٸ الميرا بەكجان.
