Foto: QR TJM
Shemonaihadaǵy jarylysta zardap shekken eki adam aýrýhanada qaitys boldy. Olardyń denesin 100% derlik kúiik shalǵan, dep habarlaidy "Ult aqparat".
ShQO densaýlyq saqtaý basqarmasy baspasóz qyzmetiniń málimetinshe, denesiniń 98 paiyzyn kúiik shalǵan eki adam kóz jumdy.
"Dárigerler táýlik boiy olardyń ómiri úshin kúresip, qoldan kelgenniń bárin jasady. Basqarma basshylyǵy da oqiǵa ornynda boldy. Zardap shekkenderdiń jaǵdaiy boiynsha oblystyq jáne respýblikalyq dárigerlermen saǵat saiyn telemeditsina júiesi arqyly keńester ótkizildi.
Olar 48 saǵattan keiin qaitys boldy. Ókinishke qarai, ekeýin aman alyp qalý múmkin bolmady", - dedi oblystyq densaýlyq saqtaý basqarmasynyń mamandary.
Sondai-aq jarylys kezinde zardap shekken taǵy eki naýqas aýrýhanada em alyp, saýyǵyp kele jatqany aityldy.
«Qazir olardyń jaǵdaiy turaqty. Patsientterge búkil qajetti meditsinalyq kómek kórsetilip jatyr», - delingen habarlamada.
