Jeńil salmaqtaǵy UFC chempiony Habib Nýrmagomedov pen onyń dosyn Máskeýdegi áýejailardyń birinde ábden teksergen. Shekara qyzmeti olardy "Islam memleketi" terroristik uiymynyń sodyrlary dep qalyp, ustap jaýap alǵan.
Oqiǵa ornyna kelgen shekarashylar Nýrmagomedovtiń tanymaldylyǵyna mán bermegen. Sondyqtan sportshy men onyń dosynan barlyq ereje boiynsha jaýap alyndy, dep habarlaidy sports.kz.
Reseilik shekarashylar jaýap alý jáne tekserý barysynda kúdikti eshteńe tappai, olardy bosatady. Týrtsiiaǵa bara jatqan Nýrmagomedov tekserýshilerdiń bul qylyǵyna narazy bolǵan. Yńǵaisyz jaǵdaiǵa qaramastan búkil tekseristen keiin shekarashylar sportshy men onyń dosymen estelik fotoǵa túsken.
Aita ketsek, 6 qazanda Las-Vegastaǵy T-Mobile Arena-da Nýrmagomedov Konor Makgregordy jeńip, jeńil salmaqtaǵy UFC chempiony atandy.
*IG — IGIL, "Islam memleketi" — Qazaqstan, Resei jáne basqa da memleketterde tyiym salynǵan terroristik uiym.
