Qyrǵyzstanmen shekaradaǵy hronometraj memlekettik kiris organdary tarapynan kidirtýdiń joq ekenin kórsetti, dep habarlaidy "Ult aqparat" Memlekettik kirister komitetine silteme jasap.
Eske sala keteiik, biz buǵan deiin qazaq-qyrǵyz shekarasynda uzyn-sonar kólik kezegi qalyptasqanyn jazǵan bolatynbyz. Komitet buǵan jemis-kókónis ónimderi maýsymynyń bastalýy, QHR-men saýda-sattyqty jańartý jáne COVID-19 infektsiiasyna bailanysty 5 ótkizý pýnktiniń jumys istemei turǵany sebep boldy dep túsindirgen.
Hronometraj barysynda «Qarasý» (20-22 minýt jumsaldy) jáne «Aqtilek avtojol» (13-15 minýt) beketterinde bir avtokóliktiń ótý ýaqytyn eki tarap - Qazaqstan Respýblikasy men Qyzǵyzstan Respýblikasy rastady.
3 maýsymda «Qarasý» jáne «Aqtilek avtojol» beketterinde Qazaqstan men Qyrǵyzstan ókilderiniń jumys kezdesýi ótti. Hronometraj eki ótkizý pýnktinen ótý kezinde QR-da salyqtyq baqylaý úshin qujattardy skanerleý 3 minýtty alatynyn kórsetti, buny ekijaqty qol qoiylǵan Hronometraj hattamasy rastaidy.
«Sonymen birge, «Aqtilek avtojol» pýnktinde hronometraj kezinde qyrǵyz dárigerleri júrgizýshilerden COVID-19-ǵa synama alǵan, alaida testileý nátijesin bermei shyǵarǵan. Júrgizýshilerdiń aitýynsha, hronometraj júrgizilgenge deiin olardy testileý nátijesin kútýge májbúrlegen, ol óz kezeginde 30-40 minýt ýaqyt alǵan. Olardyń sózin Qyrǵyzstan Respýblikasy ekonomika ministriniń orynbasary Eldar Álisherov rastady» dep málim etti komitet.
Budan basqa, qyrǵyz jaǵyndaǵy qarsy jolaqpen kezekten tys ótý qyzmetin usynatyn «ótkizip jiberýshiler» áreketine Qyrǵyzstan júrgizýshileri narazylyq bildirip otyr.
Osy fakti boiynsha qyrǵyz tarapy óz ustanymyn bildirmedi.
