Shegirtke ziiankesterimen kúres baǵytynda 38,3 mln gektar alqap zertteletin bolady. Bul týraly QR AShM Agroónerkásiptik keshendegi memlekettik inspektsiia komitetiniń tóraǵasy Almabek Mars málim etti, dep habarlaidy QazAqparat.
«Ministrlik oblys ákimdikterimen birlesip, oblystar ákimderiniń orynbasarlary basqaratyn jedel shtabtar qurdy jáne monitoring pen himiialyq óńdeý boiynsha jumystardy uiymdastyrý jónindegi jumys josparyn bekitti. Shegirtkelerdiń oshaqtaryn anyqtaý úshin 570 avtokólik jáne GPS navigator, GPS treker, planshetter paidalanylady, sondai-aq 1224 tekserýshi tartylyp, 38,3 mln gektar alqap zertteletin bolady», - dedi komitet tóraǵasy Ortalyq kommýnikatsiialar qyzmetinde.
Budan bólek, kórshiles memlekettermen (QHR, Resei, Ózbekstan) shekaralas aýmaqtarda shegirtke ziiankesterin anyqtaý úshin birlesken zertteýler júrgiziledi.
«2019 jyldyń jeltoqsan aiynda Beijińde QHR Aýyl sharýashylyǵy ministrligimen birlesip, al biyldyń aqpan aiynda RF Aýyl sharýashylyǵy ministrligimen shekaralas aýmaqtarda shegirtkege qarsy kúres máseleleri boiynsha halyqaralyq keńester ótti», - dedi Almabek Mars.
Onyń sózine qaraǵanda, shekaralas aimaqtarda zertteýlerge erekshe ekpin qoiylady. Eger osy óńirlerde shegirtke oshaqtary anyqtalǵan jaǵdaida, oblystarda tiisti tehnika men jabdyqtar jetkilikti. Preparattardyń barlyǵy óńirlerge jetkizildi.
