Foto: Moi Gorod
Aýyl sharýashylyǵy ministrliginiń Memlekettik inspektsiia komiteti "Shain mýskat" júziminiń aǵzaǵa ziian keltirý qaýpi bar-joǵyn anyqtaý úshin zerthanalyq taldaý júrgizdi. Saraptama nátijesinde jemisten adam densaýlyǵyna qaýipti ziiankester anyqtalmaǵany habarlandy, dep jazady Ult.kz.
Sanitarlyq-epidemiologiialyq baqylaý komitetiniń málimetinshe, Qytai Halyq Respýblikasymen shekaradaǵy Abai aýdanyndaǵy filial nitrat mólsherine zertteý júrgizgen.
Taldaý qorytyndysy boiynsha, júzimdegi nitrat deńgeii 13,7 milligramm/keli bolyp shyqty. Bul kórsetkish osy ónim úshin ruqsat etilgen normadan aspaidy.
Aita keteiik, buǵan deiin áleýmettik jelilerde "Shain mýskat" júzimine qatysty pikirtalas órbigen bolatyn. Keibir aqparat kózderi jemistiń quramynda himiialyq zattardyń kóptigi týraly málimdegen edi. Aýyl sharýashylyǵy ministri Aidarbek Saparov bul máselege qatysty pikir bildirip, Qazaqstanǵa ákelinetin barlyq ónimniń zerthanalyq tekseristen ótýi tiis ekenin atap ótti.
