Búgin, 13 mamyrda shaibaly hokkeiden Qazaqstan quramasy Belarýspen joldastyq kezdesý ótkizedi, dep habarlaidy "Ult aqparat".
Bul 2021 jylǵy Álem chempionatynyń elitalyq divizion oiyndary aldyndaǵy daiyndyq bolady. Kezdesý Litva astanasy – Riga qalasynda ótedi. Oiyn elorda ýaqytymen 21.00-de bastalyp, «Qazsport» telearnasynan tikelei efirde kórsetiledi. Al 15 mamyrda eki qurama taǵy bir márte joldastyq kezdesý ótkizedi.
Esterińizge sala ketelik, álem chempionaty Litvada 21 mamyr jáne 6 maýsym aralyǵynda ótkiziledi. Qazaqstandyq hokkeishiler V tobynda Kanada, Finliandiia, AQSh, Germaniia, Norvegiia, Italiia jáne Latviia quramalarymen sheberlik baiqasady.
Al A tobynda Shvetsiia, Chehiia, Shveitsariia, Slovakiia, Daniia, Belarýs, Ulybritaniia jáne Resei bar.
Qazaqstan hokkeishileri álemniń úzdik quramalarymen birge bes jyldyq úzilisten keiin synǵa túskeli otyr. Sońǵy ret 2016 jyly elitalyq divizionda muz aidynǵa shyqty.
