Jartylai orta salmaqta óner kórsetetin qazaqstandyq faiter Shavkat Rahmonov (15-0) UFC-degi tórtinshi jekpe-jeginde jeńiske jetti, - dep habarlaidy "Ult aqparat".
27 jastaǵy Rahmonov Las-Vegastaǵy UFC Vegas 57 týrnirinde promoýshenniń 34 jastaǵy ardageri, amerikalyq Nil Megnimen ózara myqtyny anyqtady.
Birinshi raýndta qazaqstandyq erejesiz jekpe-jek sheberi aiqyn basymdyq tanytty. Otandasymyz ekinshi raýndta da shabýylyn toqtatpai, qarsylasyn aýyr soqqynyń astyna aldy. Al, raýnd aiaqtalýyna úsh sekýnd qalǵanda qylqyndyrý ádisimen jeńdi.
Osylaisha Rahmonov UFC-degi tórtinshi kezdesýinde qarsylasynyń osal tusyn taýyp otyr. Al Megni UFC-de 27-ret oktagonǵa shyǵyp, segizinshi ret jeńildi.
Aita keteiik, Shavkat ligadaǵy tórtinshi aiqasy aiaqtalǵan soń málimdeme jasady.
"Dana Ýait, meniń esimimdi esińde saqta! Men UFC chempiony bolamyn. Bir-eki jyldyń ishinde chempiony bolamyn!", - dedi ol.
Sondai-aq, Rahmonov jarqyn jeńisinen keiin aldyn ala kelisilgen tabysynan bólek, "keshtiń úzdik aiqasy" retinde atalǵan promoýshennen 50 myń AQSh dollaryn almaq.
Eske salaiyq, otandasymyz 16 kezdesýdiń bárin ýaqytynan buryn jeńispen aiaqtaǵan.
