Foto:Getty Images
Shavkat Rahmonovtyń UFC 310 týrnirinde Ian Gerridi upai sanymen jeńýi onyń mansabyndaǵy mańyzdy jetistikteriniń biri boldy. Bul jeńis Shavkatqa UFC reitinginde bir saty joǵarylap, 77 keli salmaqtaǵy úzdik úshtiktiń ekinshi ornyna kóterilýge múmkindik berdi, dep habarlaidy ult.kz.
Osylaisha, ol eks-chempion Kamarý Ýsmandy basyp ozyp, chempion Belal Mýhammed pen eks-chempion Leon Edvarstyń qasynda ornalasqan.
Ian Gerridiń qazaq tilinde úndeý jasap, revanshqa shaqyrýy qos sportshy arasyndaǵy qarsylastyqtyń ári qarai jalǵasýy múmkin ekenin kórsetedi. Shavkattyń bul jeńisi onyń UFC-daǵy bedelin arttyryp, bolashaqta titýldyq jekpe-jekke jaqyndai túskenin bildiredi.
