Nursultan Nazarbaevtyń atyna Ekinshi dúniejúzilik soǵystaǵy Jeńistiń 75 jyldyǵyn merekeleýge orai Ózbekstan Respýblikasynyń Prezidenti Shavkat Mirziioevten quttyqtaý jedelhaty kelip tústi, - dep habarlaidy elbasy.kz.
«Bul qasterli kún – búkil adamzat balasyn fashizmnen qutqarý úshin maidan dalasynda batyl shaiqasqan jáne tylda qajyrly eńbek etken ardaqty ákelerimiz ben atalarymyzdyń eren erligin ulyqtaityn mereke. Qymbatty ardagerlerge degen sheksiz qurmetimizdi bildire otyryp, biz árdaiym surapyl soǵys kezindegi óshpes erlikti, batyldyqty, elge degen adaldyqty dáriptep, olardy esimizde máńgi saqtaimyz. Jyldar ótken saiyn Uly Jeńistiń mán-mańyzy aiqyndala túsýde jáne búgingi tańdaǵy bizdiń elderimizdegi beibitshilik pen tynyshtyq úshin aǵa býynǵa degen rizashylyq sezim artyp keledi», - delingen jedelhatta.
