- Búgin Tashkentte Ózbekstan Respýblikasy Prezidentiniń saltanatty túrde laýazymyna kirisýine arnalǵan Olii Majlis palatalarynyń birlesken otyrysy ótti, dep habarlady Ózbekstan Respýblikasy Prezidentiniń baspasóz qyzmeti.
Saltanatty sharaǵa Ózbekstan úkimetiniń músheleri, ministrlikter men vedomstvolar, Ortalyq sailaý komissiiasynyń basshylary, bizdiń elde akkredittelgen shetel memleketteri elshilikteriniń, halyqaralyq uiym ókildikteriniń ókilderi, otandyq jáne shetel buqaralyq aqparat quraldarynyń ókilderi qatysýda. Birlesken otyrysty ÓR Ortalyq sailaý komissiiasynyń tóraǵasy M.Abdýsalomov ashty.
Ol 4 jeltoqsanda ótken ÓZ Prezidentiniń sailaý nátijesi jaily atap ótti. El prezidenti bolyp 88,61 daýys jinaǵan, Kásipkerler jáne isker adamdar qozǵalysy - Ózbekstan liberaldyq-demokratiialyq partiiadan Shavkat Miromonovich Mirzieev sailandy.
Sondai-aq sailaý nátijeleri 2016 jylǵy 9 jeltoqsanda OSK otyrysynda qaraldy. Onda Shavkat Mirzieevti Ózbekstan Respbýlikasynyń Prezidenti laýazymyna sailanǵan dep esepteýdi qaýly etti.
OSK tóraǵasy jinalǵandar men eldiń barlyq sailaýshylary atynan Shavkat Mirzieevti Ózbekstan Prezidenti bolyp sailanýymen quttyqtady. Oǵan Prezident kýáligi men OSK kýáligin tabys etti.
Ózbekstan Respýblikasy Konstitýtsiiasynyń 92-babyna sáikes Shavkat Mirzieev bylai dep ant berdi: «Ózbekstan halqyna adal qyzmet etýge, el Konstitýtsiiasy men zańdaryn qatań ustanýǵa, azamattardyń quqyqtary men bostandyqtaryna kepildik berýge, Ózbekstan Respýblikasy Prezidentine júktelgen mindetterdi adal oryndaýǵa saltanatty túrde ant etemin».
Qazirgi ýaqytta Prezident Shavkat Mirzieev saltanatty sharada sóz sóileýde.
