Foto: Orman sharýashylyǵy jáne janýarlar dúniesi komiteti
Sharyn memlekettik ulttyq tabiǵi parkiniń Sartoǵai aimaǵynda fototuzaq arqyly Qazaqstannyń Qyzyl kitabyna engen sirek kezdesetin janýar – Orta Aziia qundyzy tirkeldi. Bul erekshe oqiǵa tabiǵat qorǵaý salasyndaǵy mańyzdy jetistik, deidi Orman sharýashylyǵy jáne janýarlar dúniesi komiteti.
Orta Aziia qundyzy – sany kúrt azaiyp bara jatqan túr retinde Qazaqstannyń Qyzyl kitabyna 2-sanatpen engizilgen. Janýardyń sirek kezdesýi men onyń tirshilik etý ortasynyń qysqarýy osy túrdi qorǵaý sharalaryn kúsheitýdi talap etedi.
Bul qundy derek Sharyn ulttyq parkiniń biologiialyq alýantúrlilikti saqtaý maqsatynda júrgizip jatqan jumystarynyń tiimdiligin kórsetedi. Orta Aziia qundyzynyń parktiń aýmaǵynda tirkelýi – tabiǵat qorǵaý sharalarynyń jáne ekojúie monitoringiniń nátijesi.
