Sharyn memlekettik ulttyq tabiǵi parkiniń mamandary jabaiy ańdardy tirkeý barysynda Úlken Buǵutty taýynyń mańyndaǵy fototuzaqqa Túrkistan sileýsini túsip qalǵan, dep habarlaidy "Ult aqparat".
Videony QR Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetiniń baspasóz hatshysy Sáken Dildahmet Facebook paraqshasynda jariialady.
«Mysyq tuqymdastardyń bul túri Qazaqstannyń Qyzyl kitabyna engen. Qazaqstan faýnasynda kezdesetin sileýsinniń úsh túriniń birine jatady. HIH ǵasyrdyń sońynda Jetisý ólkesinde sileýsinder kóp bolǵan. Ol kezderi jylyna 200 sileýsin aýlanatyn. Ótken ǵasyrdyń 40-50 jyldary jylyna 20-30 sileýsin terisi daiyndalyp kelgen. 1976 jyly ony aýlaýǵa tyiym salyndy», - deidi Sáken Dildahmet
Túrkistan sileýsini qary qalyń jerde tirshilik etedi. Azyq izdep, birshama jerge aýyp ketýi múmkin. Túnde belsendi. Keide jalǵyz da júre beredi.
«Bir degende eki-úshten týady. Negizgi azyǵy - qoian, sýyr, elik, qaban, taýeshki. Úi janýarlaryn da aýlai beredi», - dep jazady ol.
