Almaty oblysyndaǵy Sharyn shatqalynda 74 jastaǵy gollandiialyq azamat selfi jasaimyn dep qaitys boldy. Ol 10 metrlik jardan qulap ketken, dep habarlaidy "Ult aqparat".
«18 qyrkúiekte Almaty oblysyndaǵy Sharyn shatqaly aýmaǵynda qaiǵyly jaǵdai boldy. Sýretke túsirý kezinde 10 metr biiktiktegi jardan týristik toptyń quramynda bolǵan 1945 jyly týǵan Niderlandy koroldiginiń azamaty qulap ketti. Týrist oqiǵa ornynda kóz jumdy. Top quramynda 21 adam bolǵan. Barlyǵy shetel azamattary. Týristik top Kólsai kóline Almaty qalasyndaǵy týristik kompaniialarynyń birimen shyqqan», - delingen Almaty oblystyq TJD baspasóz qyzmetiniń bergen aqparatynda.
Vedomstvo ókilderi tabiǵat aiasyna shyqqanda barynsha abai bolýdy eskertedi. Saiahatqa shyǵatynyn jaqyn týystaryna aldyn ala eskertip qoiý kerek. Jáne aýa raiy qolaisyz kezde sapardy keiinge qaldyrýǵa keńes beredi. Sondai-aq, adam júrmegen jerlerge barmaýdy eskertedi.
