Túrkistan oblysynyń bilim salasynda sapany qamtamasyz etý departamenti Shardara aýdany T. Aibergenov atyndaǵy mektep-gimnaziiasynyń muǵalimi S. Jaqypovanyń áleýmettik jelide jariialaǵan beineúndeýin qarady, dep habarlaidy QazAqparat.
Aita keteiik, munyń aldynda mektep direktorynyń orynbasary men muǵalimniń arasynda pedagogikalyq júktemeni muǵalimder arasynda bólýge bailanysty daý týyndaǵan edi.
T. Aibergenov atyndaǵy mektep-gimnaziiasynyń direktory M. Qanybekov qyzmetinen bosatyldy.
Direktordyń orynbasary R. Musalievaǵa qatysty 409-bap boiynsha «Pedagogke óziniń laýazymdyq mindetterin oryndaý kezinde qurmet kórsetpegeni úshin» ákimshilik is qozǵaldy.
«Shardara aýdandyq soty direktordyń orynbasaryna 30 AEK kóleminde aiyppul tóleý týraly sheshim shyǵardy. Qazirgi ýaqytta mektep direktorynyń orynbasaryn qyzmetinen bosatý máselesi sot tártibimen qaralyp jatyr» delingen departament habarlamasynda.
Aita keteiik, mektepter zań júzinde ákimdikterdiń qaramaǵynda. Bilim basqarmalarynyń basshylaryn ákimder taǵaiyndaidy.
Al óz kezeginde basqarma basshylary mektep direktorlaryn taǵaiyndaidy. Sondai-aq qarjylandyrý da ákimdikter quzyrynda.
