Túrkistan oblysynyń Shardara aýdanynda mektep direktory kóligimen 6 jasar balany qaǵyp ketti, dep habarlaidy "Ult aqparat".
Kýágerlerdiń aitýynsha, oqiǵa sport mektebiniń mańynda keshe keshkisin saǵat bester shamasynda bolǵan.
«Toiota kamri» markaly kóligin tizgindegen direktor 1 synyp oqýshysyn qaǵyp, jaraqattaǵan. Jeńil kólik qaqqan bala aýdandyq aýrýhanaǵa jetkizilgen.
Dárigerlerdiń sózinshe, jetkinshektiń jaǵdaiy qalypty.
«Balanyń jeńil túrde miy shaiqalǵan. Betinde syrylǵan jerleri bar. Biraq esh jeri synyp, jaraqat almaǵan. Qazirgi tańda jaraqat bóliminde anasymen birge jatyp, em qabyldaýda. Jaǵdaiyna qarai aýrýhanadan shyǵarylatyn bolady», - deidi aýrýhananyń dárigerleri.
Al, óńirdiń politseileri osy oqys jaǵdaiǵa bailanysty tiisti saraptama taǵaiyndalyp, tekserý sharalary júrgizilip jatqanyn aitady.
«Bul jol kólik oqiǵasy Shardara aýdandyq PB tirkeldi. Qazirgi tańda aýdandyq Ákimshilik politsiia qyzmetkerleri bul jaitty tekserý ústinde. Saraptamalar taǵaiyndaldy», - dedi oblystyq PD baspasóz qyzmetiniń jetekshisi Saltanat Qarakózova.
