تٷركٸستان وبلىسىنىڭ شاردارا اۋدانىندا مەكتەپ ديرەكتورى كٶلٸگٸمەن 6 جاسار بالانى قاعىپ كەتتٸ, دەپ حابارلايدى "ۇلت اقپارات".
كۋەگەرلەردٸڭ ايتۋىنشا, وقيعا سپورت مەكتەبٸنٸڭ ماڭىندا كەشە كەشكٸسٸن ساعات بەستەر شاماسىندا بولعان.
«تويوتا كامري» ماركالى كٶلٸگٸن تٸزگٸندەگەن ديرەكتور 1 سىنىپ وقۋشىسىن قاعىپ, جاراقاتتاعان. جەڭٸل كٶلٸك قاققان بالا اۋداندىق اۋرۋحاناعا جەتكٸزٸلگەن.
دەرٸگەرلەردٸڭ سٶزٸنشە, جەتكٸنشەكتٸڭ جاعدايى قالىپتى.
«بالانىڭ جەڭٸل تٷردە ميى شايقالعان. بەتٸندە سىرىلعان جەرلەرٸ بار. بٸراق ەش جەرٸ سىنىپ, جاراقات الماعان. قازٸرگٸ تاڭدا جاراقات بٶلٸمٸندە اناسىمەن بٸرگە جاتىپ, ەم قابىلداۋدا. جاعدايىنا قاراي اۋرۋحانادان شىعارىلاتىن بولادى», - دەيدٸ اۋرۋحانانىڭ دەرٸگەرلەرٸ.
ال, ٶڭٸردٸڭ پوليتسەيلەرٸ وسى وقىس جاعدايعا بايلانىستى تيٸستٸ ساراپتاما تاعايىندالىپ, تەكسەرۋ شارالارى جٷرگٸزٸلٸپ جاتقانىن ايتادى.
«بۇل جول كٶلٸك وقيعاسى شاردارا اۋداندىق پب تٸركەلدٸ. قازٸرگٸ تاڭدا اۋداندىق ەكٸمشٸلٸك پوليتسييا قىزمەتكەرلەرٸ بۇل جايتتى تەكسەرۋ ٷستٸندە. ساراپتامالار تاعايىندالدى», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ سالتانات قاراكٶزوۆا.
