Túrkistan politseileri alaiaqtyq jolmen turǵynnyń atynan 14 million teńgege nesie rásimdegen kúdiktini ustady, dep habarlaidy "Ult aqparat".
Shardara aýdandyq politsiia bólimine alaiaqtyń qurbany bolǵan jergilikti turǵyn aryzdandy.
Onyń aitýynsha, alys tanysy bank qosymshasy arqyly ózine aqsha aýdaryp alamyn dep aldap, 14 million teńgege atynan nesie rásimdegen.
Politsiia qyzmetkerleri atalǵan jaitty QR QK 190-baby boiynsha tirkedi.
Osyndai jolmen turǵyndy aldap, óziniń quryǵyna túsirgen alaiaq adamdy ustaý úshin tájiribeli tártip saqshylarynan jedel-tergeý toby quryldy.
Jedel-profilaktikalyq is-sharalar barysynda, aqparat kózderi arqyly 2 táýlik ishinde kúdikti ustaldy.
Tártip saqshylary alaiaqty óziniń turǵylyqty úiinen taýyp, politsiiaǵa jetkizdi.
Politseiler kúdikti dep tanylǵan jergilikti turǵynnyń iri kólemdegi aqshany qumar oiynǵa jumsap jibergenin anyqtady.
Qazirgi tańda atalǵan jaitqa bailanysty tergeý amaldary júrgizilýde. Kúdikti azamattyń bas sharasy qolhatta.
Óz kezeginde Túrkistan oblysynyń politseileri azamattarǵa alaiaqtardyń ailasyna aldanbai, barynsha abai bolýdy eskertedi.
Aqshańyzdy, bank kártishkeńizdiń qupiia sandaryn eshkimge aitpaýǵa jáne bermeýge keńes beredi.
