تٷركٸستان پوليتسەيلەرٸ الاياقتىق جولمەن تۇرعىننىڭ اتىنان 14 ميلليون تەڭگەگە نەسيە رەسٸمدەگەن كٷدٸكتٸنٸ ۇستادى, دەپ حابارلايدى "ۇلت اقپارات".
شاردارا اۋداندىق پوليتسييا بٶلٸمٸنە الاياقتىڭ قۇربانى بولعان جەرگٸلٸكتٸ تۇرعىن ارىزداندى.
ونىڭ ايتۋىنشا, الىس تانىسى بانك قوسىمشاسى ارقىلى ٶزٸنە اقشا اۋدارىپ الامىن دەپ الداپ, 14 ميلليون تەڭگەگە اتىنان نەسيە رەسٸمدەگەن.
پوليتسييا قىزمەتكەرلەرٸ اتالعان جايتتى قر قك 190-بابى بويىنشا تٸركەدٸ.
وسىنداي جولمەن تۇرعىندى الداپ, ٶزٸنٸڭ قۇرىعىنا تٷسٸرگەن الاياق ادامدى ۇستاۋ ٷشٸن تەجٸريبەلٸ تەرتٸپ ساقشىلارىنان جەدەل-تەرگەۋ توبى قۇرىلدى.
جەدەل-پروفيلاكتيكالىق ٸس-شارالار بارىسىندا, اقپارات كٶزدەرٸ ارقىلى 2 تەۋلٸك ٸشٸندە كٷدٸكتٸ ۇستالدى.
تەرتٸپ ساقشىلارى الاياقتى ٶزٸنٸڭ تۇرعىلىقتى ٷيٸنەن تاۋىپ, پوليتسيياعا جەتكٸزدٸ.
پوليتسەيلەر كٷدٸكتٸ دەپ تانىلعان جەرگٸلٸكتٸ تۇرعىننىڭ ٸرٸ كٶلەمدەگٸ اقشانى قۇمار ويىنعا جۇمساپ جٸبەرگەنٸن انىقتادى.
قازٸرگٸ تاڭدا اتالعان جايتقا بايلانىستى تەرگەۋ امالدارى جٷرگٸزٸلۋدە. كٷدٸكتٸ ازاماتتىڭ باس شاراسى قولحاتتا.
ٶز كەزەگٸندە تٷركٸستان وبلىسىنىڭ پوليتسەيلەرٸ ازاماتتارعا الاياقتاردىڭ ايلاسىنا الدانباي, بارىنشا اباي بولۋدى ەسكەرتەدٸ.
اقشاڭىزدى, بانك كەرتٸشكەڭٸزدٸڭ قۇپييا ساندارىن ەشكٸمگە ايتپاۋعا جەنە بەرمەۋگە كەڭەس بەرەدٸ.
