Biyl «Shańyraq» baǵdarlamasy boiynsha 800 myń páter beriledi, dep habarlaidy "Ult aqparat".
Bul týraly «Otbasy bank» AQ basqarma tóraǵasy Lázzat Ibragimova aitty.
«Baqytty otbasy» baǵdarlamasyna ótinim berip, talaptaryna sáikes kelmei qalǵan otbasylarǵa «Shańyraq» baǵdarlamasyn usynamyz. Onda da alǵashqy jarna –10 paiyz, al jyldyq mólsherleme – 5 paiyz. Bastapqy naryqtaǵy úi ǵana satyp alynýy kerek. Ondai baspanany jeke qurylys kompaniialary da salýy múmkin, «Qazaqstan turǵyn úi kompaniiasy» kepildendirgen úi bolýy da múmkin. «Nurly jer» baǵdarlamasynyń aiasynda salynǵan úilerdi ákimdiktermen birge osy baǵdarlama arqyly berýdi josparlap otyrmyz. Qazir osy úilerge suranys kóp. Mamyr aiynyń ishinde 8000-ǵa jýyq páter Baspana.kz saitynda qatysady. Munda da «Shańyraq» baǵdarlamasyna qatysýshylar esepke turǵan jylyna qarai baspanaly bolady», - dedi bank basshysy.
Lázzat Ibragimovanyń málimeti boiynsha, búginge deiin «Baqytty otbasy» baǵdarlamasynyń aiasynda 9800-den astam otbasy qonys toiyn toilaǵan. Biyl olardyń sany taǵy 5 myńǵa kóbeimek.
«Jyl sońyna deiin «Nurly jer» baǵdarlamasy arqyly baspanamen qamtylǵan otbasylardyń sanyn eki ese arttyrýdy josparlap otyrmyz. Jyl sońynda jeńildetilgen baǵdarlamalar aiasynda 10 paiyzdyq alǵashy jarna tóleý arqyly baspanaly bolǵan otbasylardyń sanyn 20 myńǵa jetkizemiz dep oilaimyz», - dedi bank tóraiymy.
