بيىل «شاڭىراق» باعدارلاماسى بويىنشا 800 مىڭ پەتەر بەرٸلەدٸ, دەپ حابارلايدى "ۇلت اقپارات".
بۇل تۋرالى «وتباسى بانك» اق باسقارما تٶراعاسى لەززات يبراگيموۆا ايتتى.
«باقىتتى وتباسى» باعدارلاماسىنا ٶتٸنٸم بەرٸپ, تالاپتارىنا سەيكەس كەلمەي قالعان وتباسىلارعا «شاڭىراق» باعدارلاماسىن ۇسىنامىز. وندا دا العاشقى جارنا –10 پايىز, ال جىلدىق مٶلشەرلەمە – 5 پايىز. باستاپقى نارىقتاعى ٷي عانا ساتىپ الىنۋى كەرەك. ونداي باسپانانى جەكە قۇرىلىس كومپانييالارى دا سالۋى مٷمكٸن, «قازاقستان تۇرعىن ٷي كومپانيياسى» كەپٸلدەندٸرگەن ٷي بولۋى دا مٷمكٸن. «نۇرلى جەر» باعدارلاماسىنىڭ اياسىندا سالىنعان ٷيلەردٸ ەكٸمدٸكتەرمەن بٸرگە وسى باعدارلاما ارقىلى بەرۋدٸ جوسپارلاپ وتىرمىز. قازٸر وسى ٷيلەرگە سۇرانىس كٶپ. مامىر ايىنىڭ ٸشٸندە 8000-عا جۋىق پەتەر Baspana.kz سايتىندا قاتىسادى. مۇندا دا «شاڭىراق» باعدارلاماسىنا قاتىسۋشىلار ەسەپكە تۇرعان جىلىنا قاراي باسپانالى بولادى», - دەدٸ بانك باسشىسى.
لەززات يبراگيموۆانىڭ مەلٸمەتٸ بويىنشا, بٷگٸنگە دەيٸن «باقىتتى وتباسى» باعدارلاماسىنىڭ اياسىندا 9800-دەن استام وتباسى قونىس تويىن تويلاعان. بيىل ولاردىڭ سانى تاعى 5 مىڭعا كٶبەيمەك.
«جىل سوڭىنا دەيٸن «نۇرلى جەر» باعدارلاماسى ارقىلى باسپانامەن قامتىلعان وتباسىلاردىڭ سانىن ەكٸ ەسە ارتتىرۋدى جوسپارلاپ وتىرمىز. جىل سوڭىندا جەڭٸلدەتٸلگەن باعدارلامالار اياسىندا 10 پايىزدىق العاشى جارنا تٶلەۋ ارقىلى باسپانالى بولعان وتباسىلاردىڭ سانىن 20 مىڭعا جەتكٸزەمٸز دەپ ويلايمىز», - دەدٸ بانك تٶرايىمى.
