28 qazannan bastap Qazaqstanda Shańyraq «5-10-20» ipotekalyq baǵdarlamasy boiynsha ótinim qabyldaý bastaldy, dep habarlaidy "Ult aqparat".
Bul baǵdarlama jergilikti atqarý organdarynda kezekte turǵan baspanaǵa muqtaj azamattarǵa arnalǵan.
Atalmysh jobaǵa 1986-2017 jyldan beri kezekte turǵandardan basqa 2018-2019-2020 jyldary ótinish bergender de qatysa alady.
«Shańyraq» pilottyq jobasy Memleket basshysynyń tapsyrmasymen qazaqstandyqtarǵa tiimdi nesiemen baspanaǵa qol jetkizý maqsatynda jasaldy.
Baǵdarlama sharttaryna sáikes, ár úmitkerdiń sońǵy 6 aidaǵy otbasylyq tabysy jan basyna shaqqanda eń tómengi kúnkóris mólsherinen 3-1 ese artyq bolýy tiis.
2020 jyldyń 1 sáýirinen bastap bul kórsetkish 32 668 teńge boldy.
Iaǵni, otbasynyń bir múshesine kelgen tabys 101 271 teńgeden aspaýy tiis.
Barlyǵy 54 198 ótinish qaraldy. Olardyń ishinde 34 453 adam 1986-2017 jyldary kezekke turǵan.
Qazir quny 32,4 mlrd teńge bolatyn 2 386 ótinim maquldandy.
Shańyraq baǵdarlamasyn júzege asyrý úshin QR Ulttyq bankiniń enshiles uiymynan 210 mlrd teńge aýdaryldy.
Onyń birinshi bóligi, 90 mlrd teńge «Turǵynúiqurylysjinaqbanki» AQ aýdaryldy.
Osy qarajatqa 7-8 myń qazaqstandyq otbasyǵa qoljetimdi baspana beriledi.
Jyldyq 5% mólsherlememen nesie alý úshin úmitker ákimdikte kezekte turýy kerek. Sonymen qatar, «Turǵynúiqurylysjinaqbanki» AQ shotynda úi baǵasynyń 10 paiyz jinaǵy bolýy shart.
Nesie 20 jylǵa deiin beriledi.
