Almaty oblysynda poiyz ben avtobýstyń soqtyǵysýynan zardap shekken úsh adam Qarasai aýdandyq aýrýhanasynan Almatyǵa aýystyryldy, dep habarlaidy "Ult aqparat".
«Shamalǵan stansasyndaǵy jol apatynan jaraqat alǵan balalar Almaty qalasynyń №1 aýrýhanasyna, anasy №7 aýrýhanaǵa jetkizildi», - dedi Almaty oblysy ákiminiń baspasóz qyzmetiniń hatshysy Ǵalymurat Júkel.
Aita keterligi, buǵan deiin Amandyq Batalov Shamalǵandaǵy apattan zardap shekkenderge Almatydan arnaiy dárigerler shaqyrǵanyn málim etken edi.
Esterińizge sala keteiik, 15 qyrkúiek kúni Shamalǵan stantsiiasynda poiyz ben avtobýs soqtyǵysty. Oqiǵa ornynda avtobýs júrgizýshisi mert bolyp, taǵy 3 adam Qarasai aýdandyq aýrýhanasynyń jansaqtaý bólimine tústi. Atalǵan fakti boiynsha QR QK 345-babynyń 3-tarmaǵy boiynsha is qozǵalyp, tergeý júrgizilip jatyr. Istiń tergelýin Bas kóliktik prokýratýra baqylaýyna aldy.
