Foto: ktk.kz
Shamalǵan stantsiiasy ýchaskesinde "Sergek" kameralary ornatyldy, - dep habarlaidy Tengrinews.kz saity Almaty oblysynyń prokýratýrasyna silteme jasap.
Qadaǵalaý organy málimetinshe, jol qozǵalysy erejelerin óreskel buzý derekteri jii tirkeletin temirjol ótkelinde beinebaqylaý júiesi ornatylǵan. Atap aitqanda, jol ýchaskesinde júrgizýshiler kóbinese qarsy qozǵalys jolaǵyna shyǵyp, shlagbaýmǵa toqtamai, temirjolǵa shyǵady.
Aita keteiik, osydan birneshe jyl buryn osyndai tártip buzý kesirinen munda poiyz ben avtobýs soqtyǵysyp, saldarynan júrgizýshi qaza tapqan bolatyn.
"Almaty oblysynyń prokýratýrasymen jáne politsiia departamentimen "Jol qozǵalysynyń qaýipsizdigi" jobasyn iske asyrý jalǵasyp jatyr. Bir aida mobildik toptarmen 28 reid júrgizilip, jol qozǵalysynyń qaýipsizdigin qamtamasyz etý salasynda 153 zańbuzýshylyqtar anyqtaldy, olardyń 30 joiyldy. Qarasai aýdany Shamalǵan temirjol ótkelinde "Sergek" apparattyq-baǵdarlamalyq keshender ornatyldy", - delingen habarlamada.
Sondai-aq, "Almaty-Jandosov" jolynda Qaskeleń qalasynyń burylysynda baǵdarsham ornatylǵan. Ákimshilik politsiiamen Talǵar aýdanynyń turǵyn úi-kommýnaldyq sharýashylyq bólimine jaiaý júrginshiler ótkeli jáne basqa da shekteýshi jol belgileriniń joqtyǵy boiynsha uiǵarymdar engizilgen.
"Raiymbek jáne Jambyl aýdandarynyń mobildik toptarymen maldy sáýle shaǵylystyratyn taspamen qamsyzdandyrý boiynsha jumys atqaryldy, bul júrgizýshilerge túngi ýaqytta JKO aldyn alý boiynsha sharalardy ýaqtyly qoldanýǵa múmkindik beredi.
Joba sheńberinde jol politsiiasy jáne kóliktik baqylaý inspektsiiasymen birlesip 29 reidtik is-sharalar júzege asyryldy, nátijeleri boiynsha 360 tulǵa ákimshilik jaýapkershilikke tartyldy, sonyń ishinde 30 kólik quralyn masań kúide júrgizý úshin", - delingen habarlamada.
