Aqtóbe oblysynda shahterlar men kenshilerge jańa páterler men avtokólikterdiń kilti tabys etildi.
4 shilde, sársenbi kúni Hromtaý qalasynyń myńdaǵan turǵyndary Dóń taý-ken baiytý kombinatynyń 80 jyldyǵyn atap ótti. Qala quraýshy kásiporynnyń mereitoiyna orai «Kenshi» stadionynda interaktivti buqaralyq qoiylymdy orasan zor shoý ótti. Kásiporynnyń úzdik qyzmetkerlerin quttyqtap, Qazaqstan men Reseidiń tanymal oryndaýshylary óner kórsetti.
Mereitoidy merekeleý aiasynda Aqtóbe oblysynyń ákimi Berdibek Saparbaev pen ERG menedjerler keńesiniń tóraǵasy Hromtaý qalasynda Dóń taý-ken baiytý kombinatynyń qyzmetkerleri úshin salynǵan 120 páterli jańa úige bardy.
- Árbir adam úshin óz baspanasy bolǵany mańyzdy. Sondyqtan, Prezidentimiz Nursultan Nazarbaev basqarǵan elimiz árbir qazaqstandyqty baspanamen qamtamasyz etýdiń kóptegen baǵdarlamasyn júzege asyrýda. Sonyń ishinde, memlekettik baǵdarlamalardyń arqasynda «Qazhrom» syndy kompaniialar óz qyzmetkerlerine turǵyn úiler salyp jatyr. Elordamyzdyń 20 jyldyǵymen jáne Dóń taý-ken baiytý kombinatynyń80 jyldyǵymen tuspa-tus kelgen qonystoi eki ese qýanysh ákelerine senimdimin. Ár úige jylýlyq, jailylyq pen amandyq tileimin, - dedi quttyqtaý sózinde oblys ákimi.
Bes qabatty úi Hromtaýdyń tirshilik qainaǵan aýdanynda turǵyzylǵan. Oǵan jaqyn aýmaqtar abattandyrylǵan, aýlada balalar alańy bar. Páterler taza árleýde berilip jatyr, as úi peshteri men santehnikasy ornatylǵan.Dóń taý-ken baiytý kombinatyqyzmetkerleri úshin jańadan salynǵan úidiń bir sharshy metri 118 myń teńgege jýyq. Eýraziialyq toptyń turǵyn úi baǵdarlamasymen páterlerdi 20 jylǵa deiin tómen paiyzdyq mólsherlememen satyp alý quqyǵymen jalǵa berý qarastyrylǵan. Bul Elbasynyń «Nurly jer» baǵdarlamasy men Qazaqstandyq ipotekalyq kompaniiamen kelisimge qol qoiýdyń arqasynda múmkin boldy.
ERG menedjerler keńesiniń tóraǵasy kombinattyń bes jas mamanyna páter alýǵa sertifikattar tabys etti.
- Men Hromtaýǵa alǵash ret 24 jyl buryn kelgen edim. Sodan beri qala Prezidentimizdiń arqasynda ózgerip ketken. 24 jyl emes, 100 jyl ótkendei. Búgin men jańa úidiń ashylýyna qatysqanymyz úshin sheksiz qýanyshtymyn. Biz bul isti jalǵastyramyz, óitkeni áleýmettik ahýal, kóńil-kúi, qyzmetkerlerdi baspanamen qamtamasyz etý óte mańyzdy bolyp tabylady, - dedi Aleksandr Mashkevich.
ERG-niń turǵyn úi baǵdarlamasyn júzege asyrý kezeńi ishinde Hromtaýda DTKBK-nyń 500-ge jýyq qyzmetkeri baspanaly boldy.
Negizgi saltanatty shara «Kenshi» stadionynda ótti. SharaDTKBK-nyń 80 jyl ishindegi jetistikteri týraly baiandaǵan ádemi interaktivti shoýdan bastaldy. Sahna tórinde úzdik jumysshylar marapattalyp, oblys ákiminiń maqtaý qaǵazdaryn, korporativtik marapattardy ielendi.
On qyzmetkerge avtoóliktiń kiltterin tabys etti.
Qazaqstandyq estrada juldyzy Qairat Nurtastyń Dóń taý-ken baiytý kombinaty qyzmetkerleriniń balalarymen birge óner kórsetýi tosynsyi boldy. Kesh reseilik «Serebro» tobynyń ónerimen jáne merekelik ot-shashýmen aiaqtaldy.
Aita keteiik, Dóń taý-ken baiytý kombinatynyń 80 jyldyq jumysynda 208 000 000 tonnadan astam hrom rýdasy óndirilgen. Bul uzyndyǵy 41 600 shaqyrymdyq temirjol quramyna teń, iaǵni jer ekvatorynyń uzyndyǵynan kóp.
