Qaraǵandylyq «Shahter» fýtbol klýbynyń jańa bas jattyqtyrýshysy taǵaiyndaldy. Bul qyzmetti ýkrain mamany Viacheslav Groznyi atqaratyn boldy, dep habarlaidy "Ult aqparat".
Kenshiler komandasyna bir jyl jetekshilik etý jónindegi kelisimshartqa ýkrain mamany Viacheslav Groznyi qol qoidy.
63 jastaǵy mamannyń sońǵy jumys orny - ýkraindyq «Arsenal-Kiev» klýby. Viacheslav Groznyidyń Ýkraina, Resei, Bolgariia klýbtarynda úlken jumys tájiribesi bar. Qazaqstanda qostanailyq «Tobyl» men pavlodarlyq «Ertiste» atqarǵan qyzmetimen belgili.
Sondai-aq Groznyi óziniń bapkerlik mansabynda bolgarlyq «Levski», reseilik «Terek», grýziialyq «Dinamo» jáne ýkraindyq «Arsenal» (Kiev), «Metallýrg» (Zaporoje) jáne «Gverla» klýbtaryn jattyqtyrǵan.
