© AP Photo / Jeffrey T. Barnes
"ArselorMittal Temirtaý" AQ Kómir departamentine qarasty "Qazaqstan" shahtasynda órt shyqqannan keiin 222 qyzmetker jer betine shyǵaryldy. Bes adamdy izdestirý jalǵasyp jatyr, dep habarlaidy "Ult aqparat" oblys ákimdiginiń baspasóz qyzmetine silteme jasap.
Aldyn ala málimet boiynsha, bas aýrýy men jótelge shaǵymdanǵan 13 adam oqiǵa ornynda dárigerlerge júgingen. Qazirgi ýaqytta tórteýi aýrýhanada jatyr: ekeýi – Shahtinsk qalasynyń ortalyq aýrýhanasynda, ekeýi – oblystyq meditsina ortalyǵynda.
Aita keteiik, 17 tamyzda saǵat 10:05 D6 (kókjiek – 170 m) kómir eńisiniń qazbasynda konveier taspasy órtendi. Keiin apatty joiý jospary engizildi.
Jer astynda 227 adam bolǵan. Jumysshylardy evakýatsiialaý qaptaldaǵy oqpan arqyly júrgizildi. Oqiǵa ornynda "KÁAQQ" RO bólimshesi jáne TJD qyzmetkerleri jumys istep jatyr. Órttiń sebepteri anyqtalady.
Oblys ákimi Ermaǵanbet Bólekpaev oqiǵa ornynda júr.
