Foto: pixabay
Qutqarýshylar Qaraǵandy oblysynda Kostenko atyndaǵy shahtada bolǵan apattan keiin 22 kenshiniń denesin tapty, dep habarlaidy "Ult aqparat" Tótenshe jaǵdai ministrliginiń baspasóz qyzmetine silteme jasap.
«ArselorMittal Temirtaý» AQ Kómir departamentiniń Kostenko atyndaǵy shahtadaǵy avariialyq-qutqarý jumystaryna «Kásibi áskerilendirilgen avariialyq-qutqarý qyzmetteriniń respýblikalyq ortalyq shtaby» JShS Qaraǵandy filialynyń 55 adamy men 12 tehnikasy jumyldyryldy.
Jumystar eki óndirý ýchaskesi aýdanynda júrgizilip jatyr. Kórinetin janý oshaqtary joq.
Gaz jaǵdaiyn baqylaý, synamalardy alý, sondai-aq tabylǵan qaza tapqandardy shyǵarý jumystary júrgizilýde. Keibir jerlerde kómirtegi totyǵynyń ruqsat etilgen kontsentratsiiasynan asyp ketýi baiqalady.
Qazirgi ýaqytta 22 adamnyń denesi tabyldy, 24 kenshi izdestirilip jatyr» - delingen habarlamada.
Vedomstvo málimetinshe, aqparattyq jáne psihologiialyq qoldaý kórsetý úshin Qaraǵandy qalasynda (TJD 8-7212-51-72-23, ArselorMittal Temirtaý 8-7212-49-72-70) jáne Astanada (8-7172-70-41-08) «jedel jeli» telefondary ashyldy.
