900-den astam qazaqstandyq jas shahmatshy «Halyqaralyq grossmeister Dármen Sádýaqasovtyń kýbogy» onlain shahmat týrnirine qatystyǵ dep habarlaidy "Ult aqparat".
Respýblikalyq jarysty «Báiterek» holdingi, Dármen Sádýaqasov shahmat akademiiasy jáne «Bolashaq» qaýymdastyǵy uiymdastyrdy.
Týrnir jas erekshelikterine qarai úsh sanat boiynsha, iaǵni 10, 14 jáne 18 jasqa deiingiler arasynda ótkizildi. Eń kishi topta jalpy esepte Edgar Mamedov jeńimpaz atandy, odan keiin júldegerler qataryna Álihan Hajatuly men Mark Smirnov kirdi. Qyzdar arasynda júldegerler úshtigin Málik Japparbekova, Ásiia Asylhan jáne Elnaz Qaliahmet qurady.
14 jasqa deiingiler arasynda jalpy esepte Sátbek Ahmedinov jeńiske jetti, ol Orash Shonazarov pen Nurdáýlet Tańatovty jeńdi. Qyzdar júldelerdi myna tártipte bólisti: Ámina Qaiyrbekova, Alýa Nurmanova jáne Anastasiia Pereima.
Sonymen, týrnirde 18 jasqa deiingi qazaqstandyq jasóspirimder arasynda jalpy esepte Qazybek Nógerbek, Tamerlan Bekturov jáne Abylai Ahmetjan kósh bastady. Qyzdar arasynda Kseniia Balabaeva, Ásel Serikbai jáne Nazerke Nurǵali úzdik tanyldy.
10 jas sportshy qyz qosymsha syilyqtarmen marapattaldy.
Týrnir bastamashylarynyń negizgi mindeti úlken shahmat merekesin uiymdastyrý boldy. Karantin shekteýi kezinde týrnirge elimizdegi eń myqty degen balalar men jasóspirimderin jinaý úshin onlain format qolaily tásil boldy. Osyndai qiyn-qystaý kezeńde daryndy balalardy nazardan tys qaldyrmai, yntalandyryp, sport jetistikterin arttyra túsý óte mańyzdy.
Shahmattan 14-shi álem chempiony Vladimir Kramnik (Resei) jáne shahmattan Álem kýbogynyń jeńimpazy, álem chempiony ataǵyna úmitker Boris Gelfand (Izrail) kýbokqa qatysýshylarǵa jyly lebizderin bildirdi. Sondai-aq, otandyq sport juldyzdarynyń atynan bokstan olimpiada chempiondary Ermahan Ybyraiymov pen Serik Sápiev, aýyr atletikadan tórt dúrkin álem chempiony Ilia Ilin, MMA boiynsha, karate jáne djiý-djitsýdan tórt dúrkin álem chempiony Aidar Mahmetov, kórkem gimnastikadan Aziia jáne Aziia oiyndarynyń chempiony Anna Aliabeva jáne halyqaralyq grossmeister, 20 jasqa deiingiler arasyndaǵy álem chempiony Dármen Sádýaqasov balalarǵa tilekterin bildirdi.
Jarystyń onlain ashylý saltanatyna «Báiterek» holdinginiń Basqarma tóraǵasy Aidar Áriphanov pen Nur-Sultan qalasy ákiminiń orynbasary, «Bolashaq» qaýymdastyǵynyń keńes tóraǵasy Baqtiiar Máken qatysty.
Kýbokty ótkizýge kóptegen kásipqoilar – qazaqstandyq jetekshi grossmeisterler, halyqaralyq tóreshiler, lichess.org oiyn platformasynyń sarapshylary, sondai-aq jarysty uiymdastyrýshylardyń ókilderi – «Báiterek» holdinginiń, Dármen Sádýaqasov shahmat akademiiasynyń jáne «Bolashaq» qaýymdastyǵynyń ókilderi qatysty.
Qazirgi zamanǵy onlain-shahmattyń basty problenmasy – chiterlikpen kúreske erekshe kóńil aýdaryldy. Týrnir tóreshileri Fair Play buzýshylaryna óte qatań qaraityn FIDE usynymdaryn basshylyqqa aldy. Antichiterlik komissiia qabyldaǵan qatań sharalar shahmatshylardyń adal oiynǵa degen senimin nyǵaitady.
Jas oiynshylar, tóreshiler men uiymdastyrýshylar úshin bul týrnir resmi jarystyń jańa formatyn ótkizýde jaqsy tájiribe boldy. Kelesi joly kýbokty budan da saltanatty ári sporttyq atmosferada ótkizýge kómektesedi.
