QR Premer-Ministri Asqar Mamin biznesti qoldaý jónindegi daǵdarysqa qarsy sharalar týraly aityp berdi, dep habarlaidy QazAqparat.
«Shaǵyn jáne orta biznesti qoldaý – ekonomikanyń ornyqtylyǵyn qamtamasyz etetin mańyzdy faktorlardyń biri. Biylǵy birinshi jartyjyldyqta qarapaiym zattar ekonomikasy baǵdarlamasy aiasynda 142 mlrd teńgeni quraityń 334 jobaǵa qoldaý kórsetildi. Jyl aiaǵyna deiin 424 mlrd teńge bolatyn 724 jobaǵa qoldaý kórsetý josparda bar», - dedi Asqar Mamin Úkimet otyrysynda.
Biznestiń jol kartasy aiasynda da bul kezeńde 492 mlrd teńge bolatyn 23 myń jobaǵa qoldaý kórsetildi.
«Jyl sońyna deiin 1,2 trln teńgeni quraityń 32 myń jobaǵa qoldaý kórsetiledi. Osy eki baǵdarlama aiasynda 90 myń jumys oryny qamtylady. Biznesti qoldaýdy eń kóp qajet etetin baǵyttar – saýda, qyzmet kórsetý salasy, óńdeýshi ónerkásip, kólik jáne qoima, sondai-aq qurylys salasy.
Búginde baǵdarlamalar aiasynda kásipkerlerdi qoldaýǵa bólingen 1 teńge sýbsidiia biýdjetke salyqtyq túsim túrinde 6 ese bolyp qaitady. Pandemiia jaǵdaiynda biznesti qoldaý úshin Úkimet «Atameken» ulttyq kásipkerler palatasymen birlesip ázirlengen daǵdarysqa qarsy sharalar tiimdiligin kórsetti. Osy baǵdarlamalar boiynsha josparlanǵan barlyq sharalar jyl aiaǵyna deiin tolyq iske asyrylýy kerek», - dep tapsyrma berdi Premer-Ministr.
