Shaǵyn jáne orta biznes sýbektilerin salyqtan bosatýdan tragediia jasaýdyń qajeti joq. Bul týraly Nur-Sultan qalasynyń ákimdiginde ótken elordany odan ary damytý máseleleri jónindegi májiliste Memleket basshysy Qasym-Jomart Toqaev aitty, dep habarlaidy QazAqparat.
«Shaǵyn jáne orta biznes sýbektilerin salyq tóleýden bosatqannan keiin elorda biýdjeti 40-50 mlrd teńgege qysqarady. Is júzinde bul, kútiletin nátije edi. Biraq, qala halqyn tartý úshin, adamdar kóptep biznespen ainalysýy úshin májbúrli shara. Onda turǵan eshqandai tragediia joq», - dedi QR Prezidenti.
Memleket basshysynyń atap ótýinshe, bul máseleler 15 qazan kúni ótetin ekonomika jónindegi keńeste jan-jaqty talqylanatyn bolady.
«15 qazan kúni josparlap otyrǵan ekonomika jónindegi keńeste biýdjetke qosymsha qarajat kózderi jaiynda jan-jaqty sóilesemiz dep oilaimyn jáne Úkimetten budan tragediia jasamaýdy ótinemin. Eń durysy, ákimshileý arqyly josparlanǵan shyǵystardyń ornyn toltyratyn qajetti qarajatty sizder jeńil-aq taýyp alasyzdar dep oilaimyn», - dedi Q.Toqaev.
