Agenttiktiń Call-ortalyǵyna biyl 21 myńǵa jýyq qońyraý kelip tústi. Ótken jylmen salystyrǵanda osy kórsetkish 4 %-ǵa ósken. Bul týraly onlain brifingte Sybailas jemqorlyqqa qarsy is-qimyl agenttiginiń Strategiia jáne jedel basqarý departamentiniń basshysy Nurlan Jaqsymbetov aitty, dep habarlaidy QazAqparat.
«Agenttiktiń Call-ortalyǵyna biyl 21 myńǵa jýyq qońyraý kelip tústi. Onyń 3 600-dan astamy sybailas jemqorlyqqa qarsy qyzmettiń quzyretine jatady. Aqparattyq esepke alý kitaby sheńberinde tekserýge sybailas jemqorlyq faktileri týraly 600 ótinish alyndy. Bul rette, qylmystyq quqyq buzýshylyq belgilerimen 66 nemese 11%-y boiynsha sotqa deiingi tergeý júrgizildi. Tergeý nátijeleri boiynsha 18 is sotqa jiberildi», - deidi Sybailas jemqorlyqqa qarsy qyzmettiń Strategiia jáne jedel basqarý departamentiniń basshysy Nurlan Jaqsymbetov.
Onyń aitýynsha, ótinishterdiń kópshiliginde qylmystyq jáne ákimshilik jaýapkershilikke tartylmaǵany, kedergisiz júrip ótkeni, anyqtamalar, júrgizýshi kýálikteri, diplomdar bergeni, múgedektikti, járdemaqylardy rásimdegeni, jumysqa ornalastyrǵany jáne t.b. úshin parany bopsalaý faktileri anyqtalǵan.
«Basshylardyń qaramaǵyndaǵylardan aqsha qarajatyn jinaý, laýazymdyq ókilettikterin teris paidalaný, qyzmet boiynsha áreketsizdik, memlekettik satyp alý protsesinde urlaý, memlekettik baǵdarlamalardy oryndaý, sondai-aq shaǵyn bizneske zańsyz qamqorlyq jáne kedergi jasaý faktileri da az emes. Shaǵymdardyń kóbi politsiia qyzmetkerleriniń (236), jergilikti atqarýshy organdar qyzmetshileriniń (116), memlekettik kirister organdary qyzmetkerleriniń (45) áreketterine túsedi. Respýblika boiynsha Call-ortalyqtyń ótinishteri negizinde barlyǵy 29 politsiia qyzmetkeri tartyldy. Jergilikti atqarýshy organdardyń quramynda – bilim berý jáne densaýlyq saqtaý salalary. Ótinish berýshilerdiń eń kóp sany Túrkistan oblysy (96), Almaty qalasy (85), Almaty oblysy (80), Shymkent qalasy (45), Qaraǵandy oblysy (43), Nur-Sultan qalasy jáne Jambyl oblysyna (41-den) keledi», - deidi ol.
