Foto: twitter.com/MySamudera
Ońtústik Koreiada Helloýin oqiǵasyna qatysty bir ailyq tergeý aiaqtaldy jáne ol "tehnogen" apat dep jariialandy, - dep habarlaidy Massaget.kz portaly Channel News Asia-ǵa silteme jasap.
Basylym málimetinshe, Ońtústik Koreia politsiiasy 23 sheneýnikke qatysty qylmystyq is qozǵady. Onyń jartysyna jýyǵy - quqyq qorǵaý organdary qyzmetkeri. Olar baiqaýsyzda adam óltirý jáne oqiǵaǵa nemquraidy qaraǵany úshin kináli dep tanylǵan.
Esepke sáikes, arnaiy tergeý toby 160-qa jýyq adamnyń ómirin qiǵan oqiǵa jergilikti bilik qateligi ekenin jáne onyń aldyn alýǵa bolatynyn málimdegen.
Ulttyq politsiia bóliminde osy oqiǵaǵa qatysty arnaiy tergeýdi basqarǵan Son Dje Han ári qarai is materialdary prokýratýraǵa jiberiletinin aitty. Aiyptalǵandar qatarynda Seýl aýdanynyń meri Ionson Pak Hi En jáne aýdannyń burynǵy politsiia bastyǵy Li Im Chje bar.
Li oqiǵa ornyna keshigip kelgenin jasyrý úshin politsiia esebin burmalady dep aiyptalyp otyr. Al taǵy eki politsiia qyzmetkeri kompiýter qujattaryn jáne oqiǵaǵa bailanysty basqa da dálelderdi joiýǵa tyrysty degen kúdikpen qamaýǵa alynǵan.
Eske salaiyq, 29 qazanda myńdaǵan adam Seýldiń áigili Itevon aýdanyna keiingi úsh jyldaǵy alǵashqy Helloýin merekesin toilaýǵa jinalǵan bolatyn. Keiin kóp adam toptasqanda jaǵdai haosqa ulasyp, jurt esinen tana bastaǵan. Sodan soń oqiǵa saldarynan qaza tapqandar sany artqany belgili boldy.
