فوتو: twitter.com/MySamudera
وڭتٷستٸك كورەيادا حەللوۋين وقيعاسىنا قاتىستى بٸر ايلىق تەرگەۋ اياقتالدى جەنە ول "تەحنوگەن" اپات دەپ جارييالاندى, - دەپ حابارلايدى Massaget.kz پورتالى Channel News Asia-عا سٸلتەمە جاساپ.
باسىلىم مەلٸمەتٸنشە, وڭتٷستٸك كورەيا پوليتسيياسى 23 شەنەۋنٸككە قاتىستى قىلمىستىق ٸس قوزعادى. ونىڭ جارتىسىنا جۋىعى - قۇقىق قورعاۋ ورگاندارى قىزمەتكەرٸ. ولار بايقاۋسىزدا ادام ٶلتٸرۋ جەنە وقيعاعا نەمقۇرايدى قاراعانى ٷشٸن كٸنەلٸ دەپ تانىلعان.
ەسەپكە سەيكەس, ارنايى تەرگەۋ توبى 160-قا جۋىق ادامنىڭ ٶمٸرٸن قيعان وقيعا جەرگٸلٸكتٸ بيلٸك قاتەلٸگٸ ەكەنٸن جەنە ونىڭ الدىن الۋعا بولاتىنىن مەلٸمدەگەن.
ۇلتتىق پوليتسييا بٶلٸمٸندە وسى وقيعاعا قاتىستى ارنايى تەرگەۋدٸ باسقارعان سون دجە حان ەرٸ قاراي ٸس ماتەريالدارى پروكۋراتۋراعا جٸبەرٸلەتٸنٸن ايتتى. ايىپتالعاندار قاتارىندا سەۋل اۋدانىنىڭ مەرٸ يونسون پاك حي ەن جەنە اۋداننىڭ بۇرىنعى پوليتسييا باستىعى لي يم چجە بار.
لي وقيعا ورنىنا كەشٸگٸپ كەلگەنٸن جاسىرۋ ٷشٸن پوليتسييا ەسەبٸن بۇرمالادى دەپ ايىپتالىپ وتىر. ال تاعى ەكٸ پوليتسييا قىزمەتكەرٸ كومپيۋتەر قۇجاتتارىن جەنە وقيعاعا بايلانىستى باسقا دا دەلەلدەردٸ جويۋعا تىرىستى دەگەن كٷدٸكپەن قاماۋعا الىنعان.
ەسكە سالايىق, 29 قازاندا مىڭداعان ادام سەۋلدٸڭ ەيگٸلٸ يتەۆون اۋدانىنا كەيٸنگٸ ٷش جىلداعى العاشقى حەللوۋين مەرەكەسٸن تويلاۋعا جينالعان بولاتىن. كەيٸن كٶپ ادام توپتاسقاندا جاعداي حاوسقا ۇلاسىپ, جۇرت ەسٸنەن تانا باستاعان. سودان سوڭ وقيعا سالدارىنان قازا تاپقاندار سانى ارتقانى بەلگٸلٸ بولدى.
