Beisenbi kúni Ońtústik Koreianyń astanasy Seýldiń shyǵys bóligindegi bes mektepte koronavirýstyń jańa túriniń taralýyn tejeý úshin tótenshe shara retinde sabaqty toqtatty. Bul týraly "Ult aqparat" Yonhap agenttigine silteme jasap habarlaidy.
Virýs juqtyrǵandardyń biri Songpada turatyny týraly habarlamadan keiin Songpa okrýginde jáne Gangdong okrýgine jaqyn aýdandarda tórt bastaýysh jáne bir orta mektep jabyldy, dep habarlaidy Yonhap.
Sonbýk-gý jáne Djýnnang okrýgterindegi, Seýldiń soltústik-shyǵys aýdandaryndaǵy 42 mektep jańa koronavirýsty juqtyrǵan patsient turǵan jerden bir shaqyrym qashyqtyqta ornalasqan. Sol sebepti atalǵan bilim oshaqtary búginnen bastap jeti kúnge sabaqty toqtatýǵa májbúr boldy.
Eldiń Bilim ministrligi saqtyq sharasy retinde ýniversitetterge sabaqty tórt apta keiinge shegerý jóninde usynys bildirdi.
Beisenbi kúni Ońtústik Koreia taǵy da tórt adamnyń virýs juqtyrǵanyn habarlady. Osylaisha, pnevmoniiaǵa shaldyqqandar sany 23-ke jetti.
Qazirgi ýaqytta koronavirýs 27 elde anyqtalǵan.
