Seýl turǵyndarynyń sany 30 jyl ishinde alǵash ret 10 million adamnan azaidy. Bul týraly sársenbi kúni qala úkimeti málimdedi, dep habarlaidy YONHAP agenttigi.
Astana turǵyndarynyń jalpy sany byltyrǵy jyldyń sońynda 9 911 088 adam bolǵan, onyń 9 668 465-i el azamaty bolsa, 242 623-i - sheteldik, dep habarlady jergilikti úkimet Ishki ister jáne Ádilet ministrlikteriniń deregine silteme jasap.
1988 jyly Seýl turǵyndarynyń sany 10 millionnan asqan bolatyn, sodan beri alǵash ret bul kórsetkishten tómendep otyr.
Jergilikti úkimettiń habarlaýynsha, Ońtústik Koreia astanasynda sol jyly 10,29 million adam turdy, 1992 jyly eń joǵary kórsetkish – 10,97 million turǵyn tirkeldi.
Byltyr Seýl turǵyndarynyń sany 2019 jylmen salystyrǵanda 99 895 adamǵa nemese 1 paiyzǵa kemidi, onyń ishinde Ońtústik Koreia turǵyndary 60 642 bolsa, shetel azamattarynyń sany – 39 253 adam.
Seýldiń demografiia úrdisinen qartaiyp bara jatqan qoǵamdy baiqaýǵa bolady.
Byltyr 0-4 jas aralyǵyndaǵy Seýl turǵyndarynyń sany birden 10,26 paiyzǵa azaiyp ketti, al 85-89 jas aralyǵyndaǵy turǵyndar sany kerisinshe 11,42 paiyzǵa artty.
Aita ketken jón, Seýl turǵyndarynyń ortasha jasy 42,7-den 43,2-ge kóterildi.
