«Serpin-2050» baǵdarlamasyn iske asyrý jolynda ónimdi eńbek etip kele jatqan joǵarǵy oqýdarynyń biri - Pavlodar memlekettik pedogogikalyq ýniversiteti. Bul baǵdarlama 2014 jyly qurylǵan edi.
Basty maqsat- jastardy inýdstriialy ólkege tartyp, jumys kúshin tiimdi basqarý. Máselen, soltústiktegi óndiris oshaqtaryna jumys kúshteri jetpei, mamandar tapshylyǵy baiqalyp jatady. Al, bala týý kórsetkishi joǵary ońtústik jáne batys oblystarda kerisinshe. Osy olqylyqtyń orynyn toltyrý maqsatynda, Elbasy Nursultan Nazarbaevtyń Máńgilik El ideiasynyń sheńberinde «Serpin-2050: Máńgilik el jastary - indýstriiaǵa» atty áleýmettik jobasy óz jumysyn bastady. Joba negizinde Túrkistan, Jambyl, Almaty, Qyzylorda, Mańǵystaý oblystarynyń jastary soltústik oblystarǵa kelip oqýlary kerek. Múkindiginshe, jumysqa da ornalasyp, osy ólkelerde de kún keshýleri tiis.
Budan tórt jyl buryn Pavlodar memlekettik pedagogikalyq institýty ońtústik óńirden kelgen 135 stýdentti osy baǵdarlama sheńberinde qabyldaǵan bolatyn. Biyl osy serpindikterdiń alǵashqy túlekteri diplomdaryn qolǵa aldy. Osylaisha, tórt jyl buryn institýtqa túsken olar az ýaqyt ishinde ýniversitet diplomyna ie boldy. Serpin baǵdaralmasy boiynsha diplomǵa ie bolǵan 135 stýdenttiń 40-tan astam túlegi óz erkimen Pavlodar oblysynda qalýǵa bel bailaǵan. Aldaǵy ýaqytta bul jobany jandandyra túsý úshin osy baǵdarama aiasynda oqýǵa kelgen stýdenttermen úsh jyldyq eńbek kelisim shartyna otyrý máselesi de qarastyrylmaq.
Jalpy, biyl Pavlodar memlekettik pedogogikalyq ýniversitetinen 400-den astam stýdent túlep ushty. Sondyqtan, bul ýniversitet «Prezidenttik bes bastama» atty halyqqa úndeýi sheńberinde jataqhana salý jumystaryn da qolǵa alynbaq.
Ýniversittettiń biylǵy jańalyqtarynyń ishinde airyqshasy retinde, oqý orny quramynan kolledj ben 14 pedogogikalyq mamandyq boiynsha magistratýra, 6 mamandyq boiynsha doktorontýra dárejesindegi oqytý deńgeiiniń ashylǵandyǵyn aitýǵa bolady.
